كخ يا بابا روح أتعلم لغات الأول وبعدين كلمنى
كخ يا بابا روح أتعلم لان شعب مصر هو الشعب الي بتكلم لغه مختلفه وفريده من نوعها
......
أكيد مش اللغه العربيه...امااال ايه ؟؟
الهيروغليفيه
ايوهِ متستغربوش انتي وهو
......
أه والله العظيم....خد عندك......
عمركو سمعتو حد بيهدد عياله< بالبعبع >.. ..غير عندنا في مصر
أو أم نازله ضرب ف أبنها وتقول له <....كخ....>
غير عندنا ف مصر.....
طب أيه رأيكو أن الكلام ده أصله هيروغليفى....
كلمه بعبع....أصلها كلمه <....بوبو....> وهو أسم عفريت مصرى قديم..
.كانو قدماء المصريين يستخدموه لتخويف العيال
أما كلمه<....كخه.....> فهى كلمه هيروغليفيه معناها
القذاره..........؟؟؟
حتى العيال عندنا بيتكلما هيرو غليفى......
الواد لما يجوع يقول<.....مم....>وأصلها.....أونم ....
بمعنى ....أكل.. ..ولما يعطش يقول <...أمبو......>
وأصلها....<أمبوا...> يعنى أشرب
والعيل عندنا وهو بيتعلم المشى يقولو له.....تاتا....
خطى العتبه.....تاتا....حبه حبه
وتاتا كلمه هيروغيليغيه ومعناها....<...أمشى....>
وياسلام لما الدنيا تمطر ف الشتا والكل يغنى ويقول
يامطره ...رخى ..رخى.على قرعه بنت أختى.. ..
...رخى أصلها رخ ومعناها...نزل
وفى الصيف لما نتشوى من الحر..نقول الدنيا
بقت صهد و صهد بالهيروغليفى معناها...نار...
ويا محلى الهيروغليفى في أكلنا....فالفول عندما يستوى
نقول عليه مدمس وأصله متمس عند قدماء المصريين ومعناها...
تسويه الفول.....ياخرابى....؟؟
دا الموضوع طلع له جذور تاريخيه.
أما كلمه بصاره فأصلها....بيصورو. ...ومعناها
الفول المطبوخ....هى هى بريحتها وتقليتها ولونها
عزيزى القارىء.....بعد هذه الدراسه...
أوعه تخلي حد يتنطط عليك ويقولك انا عندي لغات
قله تعرف هيروغليفي ...هيقولك لأ
قله كخ يا بابا روح أتعلم
كخ يا بابا روح اتعلم لغات الأول وبعدين كلمني
اهلا بكل الاعضاء والزائرين يارب المنتدى ينال اعجابكم ونشوف مشراكاتكم معانا ولا تبخلو بلردود والمشركات اتمنالكم اقامه سعيده فى بتكم التانى واللى يحب يشرف فى اى قسم يحبه يكتب طلب فى قسم طلبات الاعضاء
موضوع: كخ يا بابا روح أتعلم لغات الأول وبعدين كلمنى 
الجمعة أكتوبر 01, 2010 2:37 pm
