اللى عايز يسيب مصر يدخل بسرعه

اللى عايز يسيب مصر يدخل بسرعه

لازم تقروا الموضوع لاخره

ميت ألف فرصة عشان أسيب مصر .. ولا عمري سبتها

علشان هي بلادي .. إللي بجد بحبها

بحبها بكدبها وصدقها

بحب فيها أصالة وندالة أهلها

بحب فيها السهر

بحب زيفها وأصلها

بحب فيها طلعة الشمس .. تنور وشها

بحب فيها القمر .. طالع يغازل حسنها

بحب فيها المشي .. على شط نيلها وبحرها

بحب فيها بناتها .. راسمين ملامح شعبها

دي بنت مايصه .. وحاطه ورده ف شعرها

ودي بنت جد .. ونازله جري لشغلها

هتلاقي فين بلد فيها الكنايس والجوامع .. بتحضن بعضها

مسلم مسيحي .. إخوات راضعين طيبة من صدرها

نبع الحنان .. ويناموا حاضنين أرضها

هتلاقي فين تاني .. بلد كل حاجه فيها تخليك تحبها

هتقولي ظالمه .. هقولك برضو بحبها

هتقولي ضالمه .. ما هو ده سواد شعرها

هتقولي زحمه .. هقولك علشان بنعشق أرضها

هتقولي فيها فساد .. هقولك ده من طيبة شعبها

جرب كده تسهر ولو وحدك على ضف نيلها .. وحبها

جرب تشوف بنت حلوه مع شاب واقف جمبها بيحبها .. شايل في قلبه هموم الدنيا كلها .. وبرضو بيحبها

جرب كده تاكل دره وترمس على شطها .. وتشوف وشوش الناس واضحك زيها

طب وانت ماشي لوحدك ووقعت في مشكله .. مش بتلاقي ألف واحد جمبك بيحلها .. لا تعرفهم ولا يعرفوك بس جمعكم حبها

أهي هي دي مصر ..

زاحمه ظالمه ..

فاسده ضالمه ..

مش مهم ..

ده كفايه خفت دمها ..

هأفضل لمصر أقول وأعيد ..

أنا أصلي عاشق أرضها ..

وطبعا ده كله كلام في الهوا ..

أنا لو تجيني نص فرصة هقول لها ..

بالسلامه يا مصر ..

ومش عايز أشوف وشها ..

وهي دي بقى ندالة أهلها ..

للدرجه دى يامونة مش طايقها طيب يلا شوفلك بلد حلوة وجهز نفسك للسفر وبالمرة تكون خلصت دراستك
بس اوعى تنسانا...........

هههههههه كلمة مش طايقها دى اسهل كلمة بس اهو الحمدلة جا جواب الهجرة وهسافر باذن اللة بس بعد الدبلوم وميرسى لمرورك يامرمورة

» عايز تعرف ازاى تنام بسرعه
» شرح بالصور ازاى تعمل موضوع جديد وتشارك معانا كلة يدخل بسرعه
» اللى جاى احسن من اللى راح
» عايز تبقى حلو وزي القمر؟؟؟؟؟
» حب اعدائك لو كنت عايز!