احلم احلم احلم احلم

احلم

اسمع منى امثال وكلام

اسمع منى عن الاحلام

بعد ماتسمع عاوزك تحلم

تحلم صاحى ولما تنام

واعمل جهدك اتعب حقق كل احلامك بلا اوهام

ربك خلق الدينا بحالها بكل مافيها ف 6 ايام

احلم واحلم واحلم اكتر

واوعى حلمك يبقى كابوس

احلم قبل ما الحلم مايغلى

لو فاكر حلمك بفلوس

احلم واعمل واصبر واتقل

مهما كان الحلم بعيد

راح ييجى يوم وتحقق حلمك

الاحلام مالهاش مواعيد

مين قال يابنى احلم على قدك

خلى الحلم مالوش حدود

واوعى حلمك بس يشدك يبعد بيك عن كل وجود

فى اللى بيرضى باللى موجود ويعيش ولا يهمه الامر

واللى بيحلم بالمفروض بس مالوش على حلمه الصبر

واللى يصر يحقق حلمه حتى ولو ينحت ف الصخر

ف اللى حلمه ابتدا بسجاره

كلنا عارفين ايه بيحشيها

يقعد يحلم بس خسارة يخلص حلمه أما يطفيها

ف اللى بيحلم يبنى يعمر واللى ف حلمه نفسه يهد

واللى فى حلمة عامل عنتر

و اللى يخاف من حلمة بجد

عجزت كبرت انا لسه صغير

لا انا يأست ما تحلم انت

اصلي ضعيف واكيد مش هقدر

سبني في حالي معنديش واسطه

دي حاجات بنقولها ولا نفكر

وحاجات بايته وكله اونطه

لو هتحاول مره تجرب احلامك هتشوفها العين

احلم صاحي واحلم نايم احلم و ف كلتا الحالتيين

عمرك كنت تصدق حديده بيك تطير

بدئت حلم وفكره جديده ليه ما يكونلي جناح واطير

لو حد كان قالك من 100 سنه او حتي 200

في شئ اسمه الطياره وزي العصفوره بجناحين

تطير تسافر بيك وانت وعيلتك فيها قاعدين

قالو الناس مجنون رد وقال لأ انتو العاقلين

الحقيقه هو العاقل الافكار هي المجانين

اللي عملها هيفرق ايه عنك عن السامعين

كان واحد زيك يعني ملوش اربع رجلين

او عين واحده في وسط دماغه او فوق راسه في قرنين

ده فرق واحد بينكو مخه مكنش تخين

في اللي بيحلم يلعب كوره

في شيكا يقفل ماتش

ومصطفي من غير رجلين وعدي سلاح المانش

وزويل حلمه في فنتو ثانيه جاب لروبن وش

قوم احلم واعمل اوعاك تقول ما يتحققش

قوي العزيمه صدقني ربك مبيخذلش

لو هتحاول مره تجرب احلامك هتشوفها العين

احلم صاحي واحلم نايم واحلم وف كلتا الحالتيين

مش كفايه بس تحلم مش مهم الحلم ايه

المهم تتعب تحقق كل اللي انت حلمت بيه

قووووووووم انحت ف الصخر و حقق حلمك

قووووووووم انحت ف الصخر و حقق حلمك

مما راق لي .....

جااااااااااااامد جدااا يامينا ميرسى كتيييير

ميرسى يامرمر للمرور الجاااااااااامد دواااااااااا

» خايف احلم والاحلام