+††±منتديات وشـات افـــا كـاراس±††+
اهلا بيك زائرنا العزيز نورت منتديات الانبا كاراس
انت لم تسجل بعد يسعدنا ان تسجل لتري كافة مواضيع المنتدي
ونتمني لكم دوام الاستفادة +††±منتديات وشـات افـــا كـاراس±††+

+††±منتديات وشـات افـــا كـاراس±††+
 
الرئيسيةالمجلةس .و .جالتسجيلدخول
  اهلا بكل الاعضاء والزائرين يارب المنتدى ينال اعجابكم ونشوف مشراكاتكم معانا ولا تبخلو بلردود والمشركات اتمنالكم اقامه سعيده فى بتكم التانى واللى يحب يشرف فى اى قسم يحبه يكتب طلب فى قسم طلبات الاعضاء

شاطر | 
 

 تيجو نشوف الفرق بين شباب زمان وشباب دلوقتى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mena tito
مشرف


موهبتك : الكمبيوتر والموبيلات
شفيعك مين : مارمينا والبابا كيرلس والانبا كاراس
الأية الذهبية : كونوا بسطاء كالحمام وحكماء كالحيات
النوع : ذكر عدد المساهمات : 2238
تاريخ التسجيل : 27/03/2010
العمر : 23

مُساهمةموضوع: تيجو نشوف الفرق بين شباب زمان وشباب دلوقتى   الجمعة يوليو 22, 2011 7:14 pm

تيجو نشوف الفرق بين شباب زمان وشباب دلوقتى
*الولد داخل على باباه ياخد مصروف الاسبوع

زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه.
دلوقتى:- إيه يا مان احنا النهاردة كام فى الشهر ؟ انت مش هتأبجني ولا إيه حكايتك بالظبط ؟ يالا اختصر عشان معنديش وقت وصاحبي بيرنلي عشان انزل.ايه يا عم انت وقعت على ودانك وانت صغير ولا ايه ؟مش سامعني يعني ؟ عايز الفلوووووووس...المونيـــــــــــــــــــــــــــــ ــى

*خروج الولد وموعد رجوعه البيت

زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري.
دلوقتي:- تلاقي الولد داخل الساعة 1 صباحاً ,باباه يقوله كويس انك متأخرتش النهاردة!!,يرد الولد تأخير ايه يا مان أنا طالع اغير هدومي ونازل تاني ,انا وكام واحد من اصحابي عندنا ماتش كده على الماشي .خش انت نام ومتقلقش وانا مش هتأخر...الاب نام وصحي ونزل الصبح يشترى فطار وهو راجع يلاقي ابنه عند بتاع الفول بياكل !! ايه يابني انت لسه مروحتش؟ يرد الولد اهلااااا بالكبير اوى معلش بأه الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل ,,يكمل الولد بعدين لقينا عصافير بطننا (بتنعر!!)قلنا نسدها بأه .

*دخول الاب البيت

زمان:- يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب ولو معاه حاجة يشيلوها عنه.
دلوقتى:- الولد قاعد قدام الكمبيوتر او بيتفرج على ماتش كورة ، البنت بتتكلم فى التليفون (مش فاضيين يعملوا ايه !!) الاب على الباب بيخبط (مع العلم ان الاب ليه خبطة مميزة يعني عارفين انه اللى على الباب)
الاب خبط مرة واتنين ويرن الجرس فين وفين البنت اخدت بالها ان فى حد بيخبط,,انت يابني متسيب اللي في ايدك ده وتروح تفتح لبابا,,يرد الاخ نعم هاخد اوامر منك اظن؟؟؟ ما تقومي انتى ياختي بدل الرغي اللى مالوش لازمة,,ترد نعم؟؟على الاقل انا بتكلم فى التليفون اقول ايه لصاحبتي يعني ؟؟انما انت مبتعملش حاجة ماتقوم انت ولا انت لازم تمارس دور راجل البيت وخلاص؟؟يرد ماتعدلي كلامك معايا انا اخوكي والولد هنا وكلامي لازم يتسمع...ترد على العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا.


*نزول الولد لشراء احتياجات البيت

زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر!
دلوقتي:- الام يطلع عينها من التحايل على الولد ينزل يجيب حاجة من البقال اللي جنبهم حتى يرد ما تخلي فلانة تنزل ماهي قاعدة ما بتعملش حاجة.الام تقوله يابني اختك المفروض ماتنزلش كتير ديه مهما كانت بنت والوقت متاخر.بنت يعني ايه؟؟العو هياكلها مثلا؟ ولا الاشكيف مستنيها؟؟ ديه بنتك تخوف بلد. يابني انت المفروض راجل البيت..يرد وانتوا خليتوا فيها راجل مش طالبتم بالمساواة؟يالا اشربوا عشان تبقوا تقولوا الراجل زى الست.هى فى حاجات وحاجات لأ يعني؟؟حاجة غريبة اوي!!!

تعالو للبنات بقى

البنت لما حد يسألها..إنتى مخطوبة؟

زمان:- لسه ربنا مأذنش,وعينها فى الأرض ووشها يحمر.
دلوقتي:- لأ ليه عندك عريس؟إيدي على كتفك..ناس معندهاش نظر صحيح

*نزول المرأة للعمل

زمان:- كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل
دلوقتي:- منه لله قاسم امين .هو اللى بهدلنا. هو اللى نزلنا الشغل و خلانا نتبهدل . انا ايه اللى يخليني انزل واتبهدل فى المواصلات كده,, مش لو كنا قاعدين فى بيوتنا كان يبقى اكرم لنا ؟؟!!!

الرجوع الى أعلى الصفحة اذهب الى الأسفل
kokocute
+قبطى فعال+
+قبطى فعال+


موهبتك : اشغال يدويه وتصفح النت وبرامج الكمبيوتر
شفيعك مين : العدرا والقديسه رفقه واولادها الخمسه
الأية الذهبية : لماذا تختفي في ازمنه الضيق
النوع : انثى عدد المساهمات : 391
تاريخ التسجيل : 20/06/2011
العمر : 27

مُساهمةموضوع: رد: تيجو نشوف الفرق بين شباب زمان وشباب دلوقتى   السبت يوليو 23, 2011 2:54 am

الحقيقه مقارنه هايله يامينا ههههههههههههه

cherry
الرجوع الى أعلى الصفحة اذهب الى الأسفل
mena tito
مشرف


موهبتك : الكمبيوتر والموبيلات
شفيعك مين : مارمينا والبابا كيرلس والانبا كاراس
الأية الذهبية : كونوا بسطاء كالحمام وحكماء كالحيات
النوع : ذكر عدد المساهمات : 2238
تاريخ التسجيل : 27/03/2010
العمر : 23

مُساهمةموضوع: رد: تيجو نشوف الفرق بين شباب زمان وشباب دلوقتى   الأحد يوليو 24, 2011 11:04 am

هههههههههه ميرسى لمرورك ياكوكو
الرجوع الى أعلى الصفحة اذهب الى الأسفل
 
تيجو نشوف الفرق بين شباب زمان وشباب دلوقتى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
+††±منتديات وشـات افـــا كـاراس±††+ :: منتدى شبابيات :: الشباب & البنات-
انتقل الى:  
الساعة الأن القاهرة (مصر)
جميع الحقوق محفوظة لـ+††±منتديات وشـات افـــا كـاراس±††+
 Powered by منتديات الأنبا كاراس ®ava-karas.yoo7.com
حقوق الطبع والنشر©2011 - 2010