اللى جاى احسن من اللى راح

اللى جاى احسن من اللى راح

لاء خالص انا مش متفائلة ولا حاجه

ولا هنقول متشائمة

بس هحكلكم حكاية

من اسبوع تقريبا اتجرحت فى ايدى هو جرح صغير اوى اوى

بس للاسف شال كل طبقات الجلد وكمان نزل دم كتير اوى

رغم صغر الجرح بس كان بيوجع جدا وكمان كان كل متيجى عليه شوية هوا ولا نقطة ميه ابقا بتنطط

المهم

يومين كده وعمل قشرة صغيره كنت لما ادوس عليها توجع

وبعد كام يوم القشرة وقعت

واتكونت طبقة جلد جديدة

المفجأة انى طبقة الجلد ديه اقوى من اى طبقة تانيه

هى علمت فى ايدى وعملت لون مختلف بس بقيت اقوى ومش بتوجع

اقولكم حاجه كمان

اول مرة بتقع مننا سنة واحنا صغيرين بنعيط عليها اوى

بس بعدها بتطلع سنة جامده بتفضل معانا عمرنا كله

بس لما بتقع السنه الاصلية ديه بنفضل نعيط عليها عمرنا كله لانه مبيطلعش زيها تانى

بيقولوا فى الامثال

الضربات القوية تهشم الزجاج وتثقل الحديد

وبيقولوا فى الانجيل

يجرح ويعصب ويسحق ويداه تشفيان

بس دائما قول اللى جاى احسن مع الرب يسوع احسن اكيد من اللى فات

مش نظرة تفاؤل ولا تشاؤم

بس ثقة فى الهك

لو مجروح او مكسور او جواك كتير ومش قادر تقول

قول يارب احفظنى لانى عليك توكلت

وهو هيقومك وهيعديك وهتكون اقوى

وافتكر دائما مهما كان ظرفك صعب هو تم بسماح من الله

ولو خضعت كل الخضوع لربنا هيخلى الجرح اللى فيك اقوى حته فيك وهيقدر يستخدمك بقوة من خلالها

اقولكم بقا حاجه روعه

ايه احسن حاجه فى الدنيا

انك تلاقى حد يفهمك

انك تلاقى حد يحس بيك

انك تلاقى حد يهتم بيك ويطبطب عليك

ان تلاقى حد ميدوسش على جرحك ويعرف يعالجك

انك تلاقى حد ميوجهلكش الاتهامات والادانات والانتقادات

انك تلاقى حد يحبك بجد ويفرحك بجد

عارف ايه اللى احسن من ده كله

انك تلاقى حد يعمل كل اللى فوق

الى جانب

انه يعرف يترجملك بالظبط اللى جواك ويوصفهولك بيلملى وانت مش عارف تقوله حتى ولاتوصفه بينك وبين نفسك

لما داود بيقول
عند كثرة همومى
فى داخلى تعزياتك تلذذ نفسى

مكنش يقصد انه بيقوله متزعلش

ولا كان ربنا بيشجعوه ويقول ياقليل الايمان لاتخافوا ثقوا انا قد غلبت العالم

ولاكان بيديلوه احلام وهميه ولا ماهو بعيد عن الخيال

لكن كان بيوصفلوه حالته وبيعالجوه بالطريقة اللى تناسبه

ربنا بيحبنا لاقصى درجه ممكنه

ولو قررت تطلب منه انك تحبه

وتواجهه بكل حاجه جواك بصدق

هيعرف يعزيك ويبهج قلبك بالطريقة اللى تفرحك حتى لو ظروفك متغيرتش

هيخليك تشوفه وتتمتع برؤيته

اقولك خد كل اللى فيك وروح اطلبه مره من قلبك استغل وقت تعبك وجرحك ودوقه وجرب تفرح وتحس بيه وتديله فرصه يحس بيك

ربنا حلو اوى ياجماعه

وبيهز كل الدنيا حواليكم علشان يدوقكم حلاوته

بس سامحونى العبيط بس اللى يفضل يولول على ظروفه و ميستغلش ربنا فى الوقت ده ويتمتع بيه

منقوول للامانه
اذكرونى فى صلواتكم

بجد حكمة حلوة قوى قوى زيك
ربنا يعوضك كل خير

برافووووووو ماري الرب يباركك

الموضوع ده فيه كلام رااائع جداا ومعزى جدااا جداااا
ربنا يبارك حياتك