يارب :انا خايف اوى اوى

يارب :انا خايف اوى اوى

يارب :انا خايف اوى اوى ...... تعبان اوى اوى اوى
حبيبى : لية تخاف انا معاك صدقنى
يارب : انا خايف من نفسى .. من الناس .. من بكرة .. من الفشل .. من كل حاجة
يا ابنى : انا معاك انهاردة وبكرة ووسط الناس ومن غير الناس وحتى فى الفشل مش هاسيبك
يارب : انا مش نافع فى حاجة حتى كلامك ماعدش بياثر فيا
حبيبى : انا برضة معاك حتى لو انت مش حاسس بيا او مش فاهم او مش شايف لانى بحبك
يارب : بتحبنى على اية مافيش فيا حاجة صح كلة غلط
يا ابنى : انا بحبك لانك ابنى انا عارف انك ضعيف وتعبان وانا بتاع التعابنين ...انا بتاع الضعفاء صدقنى حالك عندى
يارب : انا مش قادر اصلى ... مش عارف .. مش عاوز انا مش نافع فى حاجة
حبيبى : كفاية انك لسة بتفكر فيا وعاوزنى .. بتطلبنى حتى فى قلبك .. انا عارف اللى فى قلبك
يارب : مش شايف حاجة بتتغير من سئ لاسو ء .. كلة ظلمة .. كلة غلط
ياحبيبى : انت مش شايف حاجة من الحزن والكابة .. انت مش شايف لانى بحبك .. ومش شايف انى اقدر على كل حاجة انا عارف بعمل اية انت بس مستعجل شويتين
يارب : انت كمان بالك طويل اوى وانا تعبان اوى
يا ابنى : كل حاجة ليها وقتها صدقنى كلة فى الاخر ليك مش عليك ماتيأسش
يارب : يعنى لسة فى امل
يا حبيبى : الامل عمرة ما يروح بس ماتنساش صليبك وابديتك وحاول تانى وانا معك ..... هو دا بالظبط اللى ربنا بيعملوا معنا انا معك طول الايام والى الاخر الايام

يعنى لسة فى امل
يا حبيبى : الامل عمرة ما يروح بس ماتنساش صليبك وابديتك وحاول تانى وانا معك
الكلام تحفه وربنا يرحمنا وكمان يساعدنا اننا نحس بيه ونتمتع بعشرته

ميرسى ايرينى لمرورك الروعة ربنا يباركك

تامل روووووووعه يامينا ميرسى ليك ربنا يباركك

ميرسى لمرورك العسل دوا يامرمورة