اللؤلؤة والبندقة والبومبوناية !!!!!!!

اللؤلؤة والبندقة والبومبوناية !!!!!!!

عن محاضرة لنيافة الأنبا رافائيل هلخصلكم المحاضرة فى ثلاثة نقاط اساسية .
الاول نيافة الأنبا رافائيل كان بيتكلم ازاى نقرأ الكتاب المقدس وقال طريقة لذيذة جدا هى ان الواحد وهو بيقرا هيقابله ثلاثة انواع من الايات :

الايه اللؤلؤة والاية البندقة والاية البومبوناية

1- الاية اللؤلؤة :
هى الاية الرائعة اللى لمست قلبك وطبعت فى فكرك ودخلت الى اعماقك واثرت فى حياتك . هى الاية اللى انت قاعد مخصوص علشان تكتشفها ما هى لؤلؤة بقى ! لازم تدور عليها لحد ما تلقيها وما تقلقوش الكتاب المقدس مليياااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااان لالىء
وانت عليك بعد ما تلاقيها تجيب كراسة أو كشكول وتسميه صندوق اللالىء وتكتب فيه كل لؤلؤة تلاقيها
نجيب مثال على الايه اللؤلؤة :
لو كان فى حد خايف وشاكك فى وجود ربنا جنبه فى مشكلة معينة وهو محتاج ربنا قوى وبعدين وهو بيقرا سفر يشوع الاصحاح الأول ايه 9 بتقول :
" أما أمرتك ؟ تشدد وتشجع لا ترهب ولا ترتعب لأن الرب الهك معك حيثما تذهب."

2- الاية البندقة :
وطبعا عارفين ان البندق علشان ناكله لازم نكسره ومش هنعرف نكسره باسناننا لكن محتاجين كسارة تكسرهلنا علشان ناكل البندقة اللى جوة

تمام هو دة اللى بتكون عليه بعض الايات اللى موجودة فى الكتاب المقدس
واوعى تزعل لو لاقيت ايه بندقة بالعكس دة انت لازم تفرح لانك هتدور وتبحث لحد ماتعرف معناها ودة اللى الكتاب بيقول عنه " فتشوا الكتب " وبقول برضه مستعدين دائما لمجاوبة كل من يسألكم عن سبب الرجاء الذى فيكم "
نجيب مثال للايه البندقة لما تلاقى السيد المسيح وهو بيصرخ على الصليب وبيقول :
"الهى الهى لما تركتنى ؟"
ساعتها هيدخل قلبك افكار كتير وتفاسير كتير ملهاش اساسا علاقة بالموضوع يعنى مثلا هتفتكر ان المسيح مش هو الله لانه بينادى الهه وبيقول "الهى" او ممكن تقول ان اللاهوت انفصل عن الناسوت او ان الله ترك الابن وانفصل عنه وتركه مع نفسه ........... هههههههههههه الى اخره من افكار المهرطقين
لا لو انت فسرتها على مزاجك هتكون من المهرطقين
لكن عمرك ما هتكون من المهرطقين لو انت دورت وسألت وقريت فى تفاسير الاباء هتلاقى عكس الكلام اللى انت فسرته خاااالص
يعنى مثلا المسيح هنا كان عاوز يقول ايه؟؟؟؟؟
كل اللى واقفين كانوا يهود طبعا واولهم رؤساء الكهنة وكانوا زمان بيسموا المزامير باول جملة (ايه) فيها والسيد المسيح لما صرخ وقال الجملة دى لا دى مكانتش جملة دى كانت ايه اول ايه فى المزمور 22 وكانه كان بيقولهم اقرأوا المزمور 22 تعالوا نشوف ايه اللى مكتوب فى المزمور دة المسيح كان عاوزهم يعرفوه :
كان مكتوب
(. عَارٌ عِنْدَ الْبَشَرِ وَمُحْتَقَرُ الشَّعْبِ. 7كُلُّ الَّذِينَ يَرُونَنِي يَسْتَهْزِئُونَ بِي. يَفْغَرُونَ الشِّفَاهَ وَيُنْغِضُونَ الرَّأْسَ قَائِلِينَ: 8((اتَّكَلَ عَلَى الرَّبِّ فَلْيُنَجِّهِ. لِيُنْقِذْهُ لأَنَّهُ سُرَّ بِهِ)). 9لأَنَّكَ أَنْتَ جَذَبْتَنِي مِنَ الْبَطْنِ. جَعَلْتَنِي مُطْمَئِنّاً عَلَى ثَدْيَيْ أُمِّي. 1)
وأيضا
(12أَحَاطَتْ بِي ثِيرَانٌ كَثِيرَةٌ. أَقْوِيَاءُ بَاشَانَ اكْتَنَفَتْنِي. 13فَغَرُوا عَلَيَّ أَفْوَاهَهُمْ كَأَسَدٍ مُفْتَرِسٍ مُزَمْجِرٍ. 14كَالْمَاءِ انْسَكَبْتُ. انْفَصَلَتْ كُلُّ عِظَامِي. صَارَ قَلْبِي كَالشَّمْعِ. قَدْ ذَابَ فِي وَسَطِ أَمْعَائِي. 15يَبِسَتْ مِثْلَ شَقْفَةٍ قُوَّتِي وَلَصِقَ لِسَانِي بِحَنَكِي وَإِلَى تُرَابِ الْمَوْتِ تَضَعُنِي. 16لأَنَّهُ قَدْ أَحَاطَتْ بِي كِلاَبٌ. جَمَاعَةٌ مِنَ الأَشْرَارِ اكْتَنَفَتْنِي. ثَقَبُوا يَدَيَّ وَرِجْلَيَّ. 17أُحْصِي كُلَّ عِظَامِي وَهُمْ يَنْظُرُونَ وَيَتَفَرَّسُونَ فِيَّ. 18يَقْسِمُونَ ثِيَابِي بَيْنَهُمْ وَعَلَى لِبَاسِي يَقْتَرِعُونَ. 19أَمَّا أَنْتَ يَا رَبُّ فَلاَ تَبْعُدْ. يَا قُوَّتِي أَسْرِعْ إِلَى نُصْرَتِي. 20أَنْقِذْ مِنَ السَّيْفِ نَفْسِي. مِنْ يَدِ الْكَلْبِ وَحِيدَتِي. 21خَلِّصْنِي مِنْ فَمِ الأَسَدِ وَمِنْ قُرُونِ بَقَرِ الْوَحْشِ اسْتَجِبْ لِي.)

طبعا الكلام واضح بس عاوز اقول ان الكلام دة كله اتقال على لسان داوود لكن ماحصلش حاجة من دى خالص خالص خالص لداوود لكن كانت نبوة عن صلب المسيح وكأن داوود كان واقف ساعة الصلب يصف بدقة صلب السيد المسيح قبلها بحوالى 1000 سنة فكان السيد المسيح عاوز يقولهم اقرواأوا المزمور 22 علشان تشوفوا وتعرفوا انتوا صلبتوا مين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

3- الاية البومبوناية
والبومبونى طبعا طعمه حلو وبيكون فى افواهنا على طول بطعمه الجميل
نفس النظام فى ايات رائعة متفوتهاش لازم تحفظها وترددها زى مثلا لو انت خايف ردد الاية اللى بتقول " الرب نورى وخلاصى فممن اخاف؟ " لو مثلا حاسس انك وحش قوى وملكش توبة ردد الايه اللى بتقول "السماء تفرح بخاطىء واحد يتوب...." مثلا برضه" يا ابن داوود ارحمنى " وأيضا لو انت شايف انك مش هتقدر تعمل عمل معين ردد الايه اللى بتقول "غير المستطاع عند الناس مستطاع عند الله " او " القادر ان يفعل كل شىء اكثر جدا مما نطلب او نفتكر "

يارب يكون الموضوع عجبكم ومستنية ردودكم الجميلة