سؤال مهم جدااااااا ياريت تجاوب عليه؟؟؟

الموضوع: سؤال مهم جدااااااا ياريت تجاوب عليه



افتكر معايا سنين حياتك اللى فاتت كلها

هل عمرك قابلت شخص حلو جداً
اعجبت بيه اوى واتمنيت تكون زيه فى يوم من الأيام
والجزء الأهم من السؤال
هل عمرك قابلت شخص سىء جداً
وقررت انك مستحيل هاتكون زيه مهما حصل

لو كنت قابلت الشخص ده
من فضلك افتكر معايا شكل الشخص السىء ده اللى قررت انك مستحيل هاتكون زيه فى يوم الأيام وافتكر كل تصرفاته وحياته واسلوبه واتأمل فيها
ياريت تاخد خمس دقايق تفكر فى الموضوع ده قبل ماتقرا الجزء اللى جاى
..
..
..
..
..

احب اقولك على معلومه مهمه جداً
الشخص ده ماهو إلا تلميذ صغير جداً لأستاذ كبير اوى
الأستاذ ده علمه كل حاجه وعلمه ازاى يتكلم ويفكر
علمه الكذب وعلمه الكره الشديد وعلمه عدم الغفران والغضب
علمه النجاسه وعلمه الشر حتى تكشيرته وكآبته برضه علمهاله إبليس
لأنه هو الأستاذ الكبير الخبرة آلاف السنين فى الأمور دى
اجيال تتولد وتموت وتيجى أجيال تانيه وهو لسه موجود بيزداد خبره

كل مره بتكره فيها حد بتبقى عايز تكون زى إبليس وكل مره مابتغفرش فيها لحد بتكون عايز تبقى زيه كل مره بتكذب على حد فيها او بتشتم حد او بتعمل خطية معينة بتتشبه بإبليس وبتكون عايز تبقى زيه
خد قرار النهارده انك مستحيل هاتكون زى ابليس ابداً
زى ماخدت قرار انك مش ممكن هاتكون فى يوم من الأيام زى الشخص السىء اللى انت تعرفه ده
قول لإبليس انا مش عايز ابقى زيك ومش هاعمل اى تصرف من اللى انت بتعمله
...

عارف ليه لازم تعمل كده؟؟
لأنك صدقنى فى يوم من الأيام هاتكون زى الشخص اللى خدت قرار انك مستحيل هاتكون زيه لأن الشخص ده كان كويس فى يوم من الأيام وساب نفسه لإبليس وتهاون فى الأمور الصغيره ووصل بيه الحال للى انت شايفه ده
حقد وكره وغيره و كبرياء وعدم غفران وغضب ونجاسه وكآبه
صدقنى فى الأوقات اللى فيها بتكون مكشر ومكتئب بتتشبه بإبليس وبتقوله انا عايز ابقى زيك لكن الكتاب المقدس بيقول فرح الرب هو قوتكم أفرحوا كل حين - انا اعطيكم فرح لا يستطيع احد ان ينزعه منكم

ارفض انك تكون زى إبليس فى يوم من الأيام ولا حتى تتشبه بيه ولا تعمل حاجه هو بيعملها
إن كنت رفضت انك تكون زى إنسان وحش قابلته فى حياتك مره
فمش من المنطقى ابداً انك تكون زى الشخص اللى علمه الشر وتتشبه بيه
ارفض قول لإبليس لأ انا مش ممكن هابقى زيك ابداً مهما حصل
لكن زى مابيقول الكتاب المقدس كونوا متمثلين بالله كأولاد أحباء
هو ده الشخص اللى نتشبه بيه لأنه هو اللى علم الناس الحب وهو اللى علمهم الغفران والفرح والسلام وطول الأناة والوداعه والتعفف

سامحنى لأنى بكرر الجملة دى كتير
قول لإبلس لأ
مش ممكن هاقبل انى ابقى زيك فى يوم من الأيام ولا اعمل اللى انت بتعمله
ولا افكر زى مابتفكر ولا أكره زى مابتكره الناس ولا اتكبر زى مانت متكبر
ولا احب الخطية زى مانت بتحبها
بيقول السيد المسيح فى الأنجيل آية فى منتهى القوة لبعض الناس فى يوحنا ٨ : ٤٤
انتم من أب هو إبليس وشهوات أبيكم تريدون ان تعملوا
فهل تقبل ان تكون هذه الآية لك أنت؟؟
منقووووووووول

قول لإبليس لأ
مش ممكن هاقبل انى ابقى زيك فى يوم من الأيام ولا اعمل اللى انت بتعمله
ولا افكر زى مابتفكر ولا أكره زى مابتكره الناس ولا اتكبر زى مانت متكبر
ولا احب الخطية زى مانت بتحبها

ميرسى فيكتوريااااااااا موضوع بجد رائع ربنا يباركك

سامحنى لأنى بكرر الجملة دى كتير
قول لإبلس لأ
مش ممكن هاقبل انى ابقى زيك فى يوم من الأيام ولا اعمل اللى انت بتعمله
ولا افكر زى مابتفكر ولا أكره زى مابتكره الناس ولا اتكبر زى مانت متكبر
ولا احب الخطية زى مانت بتحبها
بيقول السيد المسيح فى الأنجيل آية فى منتهى القوة لبعض الناس فى يوحنا ٨ : ٤٤
انتم من أب هو إبليس وشهوات أبيكم تريدون ان تعملوا
فهل تقبل ان تكون هذه الآية لك أنت؟؟

بجد هاايل
موضوع رائع

موضوع روعه قوى يافيكتوريا ربنا يباركك كتير ويبارك فى خدمتك اشكرك

موضوع جميل خالص
ربنا يباركك